काठमाडौं, असोज २२
निर्वाचन आयोगले उमेर पुगेका नागरिकहरूलाई मतदाता नामावलीमा नाम दर्ता गर्न देशभरका जुनसुकै जिल्ला निर्वाचन कार्यालयमा पुग्न सकिने जनाएको छ। आयोगका अनुसार नागरिकहरूले सम्बन्धित कार्यालयमा पुगेर फोटो खिचाउने र बायोमेट्रिक विवरण उपलब्ध गराउने प्रक्रिया पूरा गरेपछि नाम दर्ता हुनेछ।
देशै भरिका जिल्ला निर्वाचन कार्यालय र काठमाडौँ उपत्यकाका मतदाताका लागि आयोगले मिनभवन (काठमाडौँ), जावलाखेल (ललितपुर), र सल्लाघारीको सिर्जनानगर (भक्तपुर) मा सेवा उपलब्ध गराएको छ।
आयोगले सबै योग्य नागरिकहरूलाई मतदाता नामावलीमा नाम दर्ता गरी लोकतान्त्रिक अभ्यासमा सहभागी हुन आह्वान गरेको छ।
0 Comments