ट्याक्सीको भाडा समायोज हुँदा प्रतीक्षा शुल्क निर्धारण नै गरेको थिएन ।

२०७८ पुस २० गते बसेको मन्त्रालयको मन्त्रीस्तरको निर्णय अनुसार ट्याक्सी सेवा प्रदायकले सर्तहरु पालना गर्ने गरी भाडा निर्धारण/समायोजन तथा विधुतीय माध्यमबाट भाडा भुक्तानी नियमावली २०७८ बमोजिम भाडादर समायोजन तथा निर्धारण गरेको  थियो ।

 

ट्याक्सीको  समायोजित भाडा  अनुसार पहिलो १ किलोमिटरसम्मको यात्राको शुरु फ्लाग डाउन ६० रुपैयाँ कायम गरेको थियो भने  सो १ किलोमिटरपश्चात प्रति २०० मिटरको ९ रुपैयाँ ८० पैसाको दरले थप हुने गरी कायम गरिएको थियो ,  समायोजित भाडादर लागु गर्न मन्त्रालयले केही शर्तहरु समेत  तोकेका थिए ।

 

मन्त्रालयले ट्याक्सीहरुले पूर्ण रुपमा मिटर प्रयोग गर्नुपर्ने र मिटरमा नै हिड्नु पर्ने बताएको थियो भने  यसका साथै सेवाग्राहीले ट्याक्सी प्रयोग गर्ने वित्तिकै सवारी साधनको नम्बर, चालकको सम्पर्क नम्बर सहितको विवरण भएको अंग्रेजी र नेपाली माध्यमको भाषा भएको भिजिटिङ्ग कार्ड उपलब्ध गराउनुपर्ने थियो ।

 

त्यसैगरी, ट्याक्सीमा छुटेको सामान ट्याक्सी सेवा प्रदायकले सुरक्षित राखि नजिकको प्रहरीलाई सूचना दिनुपर्ने, ट्याक्सी नियमित रुपमा सरसफाई गरी लैङ्गिक विभेद रहित सेवाग्राही मैत्री व्यवहार गर्नुपर्ने थियो ।

तर त्यस्तो भएन  

मन्त्रालयको मन्त्रीस्तरको निर्णय अनुसार ट्याक्सीको यात्राको शुरु फ्लाग डाउन ६० रुपैयाँ कायम गरेको थियो तर श्रम रोजगार तथा यातायात मन्त्रालय ले उपत्यका को हकमा ट्याक्सीको मिटर चेक जाँच गर्ने   नेपाल गुणस्तर तथा नापतौल बिभागलाई पत्र लेख्दा यात्राको शुरु फ्लाग डाउन ५० रुपैयाँ कायम भएको भनेर उल्लेख गरेको थियो जुन आजभोली ट्याक्सीमा प्रयोग भैरहेको छ तर नेपाल सरकार अन्तर्गत प्रदेश सरकारको प्रदेश  राजपत्रमा भने यात्राको शुरु फ्लाग डाउन ६० रुपैयाँ कायम गरेको छ  , त्यस्तै प्रति २०० मिटरको ९ रुपैयाँ ८० पैसाको दरले थप हुने प्रदेश राजपत्रमा उल्लेख छ भने  नेपाल गुणस्तर तथा नापतौल बिभागलाई मन्त्रालयले लेखेको पत्रमा प्रति २०० मिटरको १०  रुपैयाँको दरले थप हुने भनिएको छ ।

 

अर्को अचम्मित कुरा पनि

मन्त्रालयको मन्त्रीस्तरको निर्णयले पनि ट्याक्सीको भाडा समायोजन गर्दा रात्रिकालिन समयको भाडा निर्धारण गरेको थिएन भने श्रम रोजगार तथा यातायात मन्त्रालयले नेपाल गुणस्तर तथा नापतौल बिभागलाई पत्र लेख्दा भने  रात्रीकालिन समयको लागि  शुरुवाती कल रु.५० र प्रति २०० मिटरको १५  रुपैयाँ को दरले थप हुने उल्लेख गरेको थियो भने प्रतीक्षा कल दुवै मा उल्लेख थिएन ।

 

राजपत्रको उलंघन गरिरहेको छ नेपाल  गुणस्तर तथा नापतौल  बिभाग

मन्त्रालयको मन्त्रीस्तरको निर्णय अनुसार ट्याक्सीको भाडा समायोज भई राजपत्रमा प्रकाशित हुँदा र उपत्यका को हकमा ट्याक्सीको मिटर चेक जाँच गर्ने  निकाय  नेपाल गुणस्तर तथा नापतौल बिभागलाई मन्त्रालयले लेखेको पत्रमा समेत कहिँ कतै नभएको ट्याक्सी मिटरको  प्रतीक्षा शुल्क हाल उपत्यकामा गुडिरहेको ट्याक्सीहरुको मिटरमा प्रदेश सरकार बाट जारि भएको  राजपत्रको उलंघन गर्दै प्रति २ मिनेट को रु.१० राखिएको छ जुन गैरकानुनी हो , के यसको जवाफ नेपाल गुणस्तर तथा नापतौल बिभाग संग के होला त ?

 

 प्रदेश राजपत्र हेर्न यहाँ क्लिक गर्नुहोला 

 

 

स्वस्तिमा खड्का inDrive नेपालको ब्राण्ड एम्बासडर नियुक्त, “तपाईंको यात्रा, तपाईंको रोजाइ” अभियान सुरु

चर्चित नेपाली अभिनेत्री स्वस्तिमा खड्का अनलाइन यातायात सेवा प्रदायक कम्पनी inDrive नेपालको ब्राण्ड एम्बासडर बन्नुभएको छ, कम्पनीले हालै सार्वजनिक गरेको “तपाईंको यात्रा, तपाईंको रोजाइ” नामक नयाँ ३६० डिग्री अभियानसहित उहाँको औपचारिक नियुक्ति गरिएको हो।

यस अभियान मार्फत कम्पनीले प्रयोगकर्ताहरूलाई भाडा आफैं तोक्ने र चालकसँग सिधा संवाद गरी सहमति अनुसार यात्रा तय गर्न सकिने “पियर टु पियर” मोडेललाई प्रवर्द्धन गरेको छ,यो प्रणालीले यात्रु र चालकबीच पारदर्शिता, स्वतन्त्रता, र सम्मानमा आधारित सेवा सुनिश्चित गर्ने दाबी गरिएको छ।

inDrive का   नेपाल प्रतिनिधि रिता पोखरेलले भने, “नेपालमा न्याय संगत र विश्वसनीय यातायात प्रणाली निर्माणमा inDrive प्रतिबद्ध रहेको छ।”

ब्राण्ड एम्बासडर बनेकी स्वस्तिमा खड्काले भने आफूले पारदर्शिता, आपसी सम्मान र स्वतन्त्रताको मूल्य मान्यतासँग आफूलाई गहिरो रूपमा जोडिएको महसुस गरेको बताउनु भयो।

कम्पनीले डिजिटल, बाह्य र प्रत्यक्ष कार्यक्रमहरू मार्फत अभियानलाई विस्तार गर्ने जनाएको छ, विशेषगरी युवावर्गलाई लक्षित गर्दै, नेपाली प्रयोगकर्ता सँगको सम्बन्धलाई अझ सुदृढ बनाउने योजना रहेको छ।

विश्वभर ४८ देशमा सेवा विस्तार गरिसकेको inDrive ले केवल यात्रु सेवा मात्र होइन, पार्सल डेलिभरी, सहर–सहरबीचको यातायात सेवा तथा inVision नामक संस्थामार्फत सामाजिक सशक्तिकरणका कार्यक्रम पनि सञ्चालन गर्दै आएको छ।

अन्लाईन एप्स मा निजि सवारी दर्ता गरिदिन्छु भन्दै ट्याक्सी चालकले पैसा उठाएको छ :- अर्जुन केसि

ट्याक्सी माण्डु सर्भिस प्रा.लि.का अध्यक्ष तथा Yango एप्लिकेसनका नेपाल प्रतिनिधि श्री अर्जुन केसीले निजी सवारी साधनलाई अनलाइन एपमा दर्ता गरिदिन्छु भन्दै ट्याक्सी चालकले नै ५,००० रुपैयाँसम्म लिँदै हिँडेको प्रमाण प्राप्त भएको बताएका  छन्।

उहाँका भनाई अनुसार, “केही प्रमाण मेरो हातमा अहिले नै छ, बाँकी प्रमाणहरू पनि संकलनको प्रक्रियामा छन्,सबै  प्रमाणहरु प्राप्त हुनेबित्तिकै सम्बन्धित ट्याक्सीका संघ,संस्थालाई आधिकारिक रूपमा जानकारी गराउने छु।”

Yango एप्लिकेसनले निजि सवारीसाधन दर्ता गरेको भन्ने बिषयमा ट्याक्सी ब्यबसायीहरुले राखेको  छलफल कार्यक्रममा केसिले  यस्तो खुलासा गरेका हुन ।।

कानुनमा यस्तो छ ।

नेपाल को सवारी तथा यातायात ब्यबस्था ऐन २०४९ को दफा ८ र दफा १२ अनुसार निजि सवारी साधनले सार्वजनिक सवारी सरह भाडाको काम गर्न पाईने छैन ।।।

याङ्गो र इन्ड्राइभ एप्सलाई ट्याक्सी चालकहरूको चेतावनी : निजि सवारी दर्ता र मनपरी भाडा निर्धारण अस्वीकार्य

पछिल्ला दिनहरूमा अनलाइन एपमार्फत सञ्चालन भइरहेका यातायात सेवाप्रति ट्याक्सी चालकहरूले तीव्र आपत्ति जनाएका छन्। हिजो याङ्गो एपका प्रतिनिधिहरूसँग भएको छलफलमा ट्याक्सी व्यवसायी र चालकहरूले याङ्गो मात्र होइन, इन्ड्राइभ एपले पनि चालकहरूको श्रम शोषण गरेको आरोप लगाएका हुन्।

चालकहरूका अनुसार, दुवै एपहरूले कानुनी दायराबाहिर गई मनपरी भाडा निर्धारण गर्दै ट्याक्सी व्यवसायलाई अस्तव्यस्त बनाइरहेका छन्। उनीहरूले भनाइ दिएका छन्, “हामीले सरकारद्वारा तोकिएको दर अनुसार सेवा दिन्छौं, तर यस्ता एपहरूले आफ्नै नियम बनाएर चालकहरूको श्रमको अवमूल्यन गरिरहेका छन्।”

विशेषगरी इन्ड्राइभ एपले पछिल्लो समय आफ्नो सम्पर्क सेवा नै हटाएर चालकहरूलाई समस्यामा पारेको गुनासो पनि चालकहरूले गरेका छन्। चालकहरूका अनुसार यात्रासँग सम्बन्धित समस्या वा विवाद उत्पन्न हुँदा सम्पर्क गर्न नसक्दा उनीहरू थप अप्ठ्यारोमा पर्ने गरेका छन्।

ट्याक्सी व्यवसायीहरूले दुवै कम्पनीलाई तत्काल सुधार गर्न चेतावनी दिएका छन्। “अब हामी चुप लागेर बस्दैनौं, चालकहरूको अधिकार र सम्मानका लागि आवश्यकता परे सडकमा उत्रिन बाध्य हुनेछौं,” एक ट्याक्सी चालकले भने।

यसैबीच, ट्याक्सी व्यवसायीहरूले सरकारले पनि यस्ता एपहरूको नियमन गर्न स्पष्ट नीति ल्याउन आग्रह गरेका छन्, ताकि देशभित्र कानुनी ढाँचामा रहेर यात्रु र चालक दुवैको अधिकार सुरक्षित रहोस्।

याङ्गो एपले गल्ती स्वीकार्दै माफी माग्यो, ट्याक्सी व्यवसायीहरू सँग गल्ति नदोहोर्याउने प्रतिवद्धत

काठमाडौं, २७ असोज

अवैध रूपमा रातो नम्बर पिलेटका  निजी सवारी साधन  प्रयोग गरी आफ्नो अनलाइन मार्फत सार्वजनिक सवारी सरह  सेवा प्रवाह गरेको आरोप लागेपछि ‘याङ्गो एप’ का प्रतिनिधिहरूले गल्ती स्वीकार गर्दै ट्याक्सी व्यवसायीहरू सँग माफी मागेका छन्।

हिजो एक यात्रुले अनलाइन मार्फत ट्याक्सी बुक गर्दा निजि सवारी आएका कारण उत्पन्न विवाद पछि आज याङ्गो एपका प्रतिनिधि र ट्याक्सी व्यवसायीहरु  बीच विशेष छलफल सम्पन्न भएको हो।

छलफलमा याङ्गो पक्षका प्रतिनिधिहरूले ‘Iconic Rides’ पार्टनरमार्फत निजी सवारी दर्ता गरिएको गल्ती स्वीकार गर्दै अब यस्तो कार्य दोहोरिन नदिने प्रतिबद्धता जनाएका छन्। साथै, यस्ता कार्य नेपालका यातायात ऐन विपरीत रहेको स्वीकार गर्दै आगामी दिनमा कानुन सम्मत ढङ्गले मात्र सेवा सञ्चालन गर्ने  बताए।

ट्याक्सी व्यवसायीहरूले पनि यस्ता गैरकानुनी गतिविधि दोहोरिएमा कडा रूपमा विरोध गर्ने चेतावनी दिएका छन्। उनीहरूले यात्रु सेवा सहज र पारदर्शी बनाउनका लागि सरकार द्वारा तोकिएको भाडा दर नै लागू हुनुपर्ने पनि जोड दिएका छन्।

छलफलका क्रममा याङ्गोका Iconic Rides पार्टनरका प्रतिनिधिका अनुसार याङ्गो चलाउने चालकहरुलाई   प्रति किलोमिटर ६० रुपैयाँ भन्दा कम भाडा एप मा आएमा बाँकी रकम कम्पनीले थपी दिने प्रतिवद्धता व्यक्त गरेका थिए।

 

इन्ड्राइभ एपको गैरजिम्मेवार गतिविधि : कार्यालय बन्द, चालक र सेवाग्राही अन्योलमा

पछिल्ला वर्षहरूमा नेपालमा अनलाइन माध्यमबाट सार्वजनिक  सवारीको  सेवा दिने एपहरूको प्रयोग तीव्र रूपमा बढ्दै गएको छ । सोही क्रममा विदेशी कम्पनी इन्ड्राइभ (In Drive) ले पनि चालक र सेवाग्राही बीचको दूरी घटाउने उद्देश्यका साथ आफ्नो सेवा सुरु गरेको थियो । तर, लामो समयसम्म कानुनी दर्ता नगरी सञ्चालनमा रहेको यस कम्पनीले अहिले चालक र सेवाग्राही दुवैलाई गुमराहमा पारेको आरोप लागेको छ।

नेपालको कानुन अनुसार कुनै पनि सेवा प्रदायक कम्पनीले नेपालमै दर्ता भई कार्यालय स्थापना सहित जिम्मेवारी पूर्वक सेवा दिनुपर्ने स्पष्ट व्यवस्था छ। तर, इन्ड्राइभ ले सुरुवात देखि नै यो कानुनी प्रक्रिया नपु¥याई सञ्चालन गर्दै आएको थियो। पछिल्लो समय लामो आलोचना पछि कम्पनीले ललितपुरमा आफ्नो  कार्यालय स्थापना गरेको भए पनि जेन-जी आन्दोलन  सुरु भएपछि उक्त कार्यालय समेत हटाई दिएको छ।

ट्याक्सी चालकहरूको गुनासो अनुसार, इन्ड्राइभ एप ले सरकारले तोकेको मिटर भाडा भन्दा निकै कम भाडा देखाएर सेवाग्राहीलाई आकर्षित गर्ने र चालकहरुको श्रम शोषण गर्ने गरेको छ। सरकारले तोकेको दर प्रतिकिलोमिटर रु. ५० भए पनि, एपमा देखिने दर सधैँ फरक –फरक हुने  गरेको छ। यही अन्याय विरुद्ध ट्याक्सी  चालकहरूले आवाज उठाउन थालेपछि कम्पनीले आफ्नो कार्यालय नै खाली गरी बेपत्ता भएको जनाइएको छ।

कार्यालय नभएको तथा हाल हटाईएको बिषयमा हामीले गुगलमा राखिएको नम्बरमा  सम्पर्क गर्न खोज्दा उक्त नम्बरमा समपर्क नै हुन् सकेन(कल नै लागेन)  ।

अब स्थिति यस्तो बनेको छ कि कुनै पनि सेवाग्राही वा ट्याक्सी  चालकहरुले आफ्नो समस्या लिएर कम्पनीमा पुग्ने ठाउँ नै छैन। कानुनले स्पष्ट रूपमा “सेवाग्राहीको गुनासो सुन्ने स्थायी कार्यालय हुनु अनिवार्य” भनेको भए पनि इन्ड्राइभ ले यो नियमको खुलेआम उल्लंघन गरेको छ।

यसबाहेक, इन्ड्राइभ ले सार्वजनिक सवारी साधन मात्र दर्ता गर्नुपर्ने कानुनि आधार लत्याउदै  निजी सवारी साधनहरु  एपमा दर्ता  गराई  तथ्य बाहिर आएको छ, जुन कानुनि  रूपमा गैरकानुनी हो।

ट्याक्सी चालकहरूका अनुसार, “इन्ड्राइभले हामीलाई मिटर भन्दा कम भाडा लिन बाध्य बनायो, चालक र सेवाग्राही दुबै असुरक्षित महसुस गरिरहेका छन्। अहिले त कम्पनी आफैं डराएर अफिस नै बन्द गरेर बेपत्ता भएको  छ,” भन्ने प्रतिक्रिया आएका छन्।

सडकमा ट्याक्सी चलाउने हजारौं चालकहरूले अहिले सरकारसँग माग गरेका छन् कि — “नेपालको कानुन विपरीत सञ्चालन हुने यस्ता एप सेवामाथि तुरुन्त नियन्त्रण होस् र वैधानिक ढाँचामा ल्याइयोस्।”

गैरकानुनी तवरमा एपमार्फत सार्वजनिक यातायात सेवा : सरकार सधैँ मौन ? मारमा ब्यबसायी

पछिल्ला केही वर्षयता नेपालमा अनलाइन प्रविधिको प्रयोग तीव्र गतिमा बढ्दै गएको छ ,छोटो समयमै अनलाइन सेवा र एप्लिकेशनहरूको बाढी आएको छ,कतिपय बजारमा पुग्न नपाउँदै बन्द हुने, कतिपय भने सुरुवातमै हराउने गरेको छ ।

तर यतिबेला यस्ता एपहरू पनि सक्रिय छन्, जसले घरमै बसेर ट्याक्सी बोलाउने सुविधा दिएका छन् ,मानिसहरू अब सडकमा निस्केर ट्याक्सी खोज्ने वा बार्गेनिङ गर्ने झन्झट बाट मुक्त भएका छन् , मोबाइलको बटन थिचेर घरका कोठा बाट नै  ट्याक्सी बोलाउने प्रविधिले सहजता त दिएको छ, तर यसको कानुनी हैसियत भने गम्भीर प्रश्नको विषय बनेको छ।

स्वरोजगार ट्याक्सी चालक गणेश सुनार भन्छन्,

“नेपालको यातायात व्यवस्था ऐन, २०४९ ले निजी सवारी साधनले भाडाको काम गर्न नपाउने स्पष्ट प्रावधान राखेको छ ,तर पछिल्ला समय गैरकानुनी तवरमा  एपहरू  कानुनको खिल्ली उडाउँदै निजी सवारी साधन  मार्फत खुलेआम भाडा सेवा सञ्चालन गरिरहेका छन् ,अझ राज्य र नियामक निकाय सधैं  मौन छन् , यो नै सबैभन्दा ठूलो विडम्बना हो।”

काठमाडौं उपत्यकाका विभिन्न चोकहरूमा निजी नम्बरका दुई पाङ्ग्रे सवारीहरूले दैनिक रूपमा यात्रु बोक्ने, मोलमोलाइ गरेर भाडा लिने कार्य खुलेआम भइरहेको छ , तर अनुगमन गर्ने निकाय भने कालो प्लेटका ट्याक्सी माथि मात्र कडाइ गरेको गुनासो स्वरोजगार ट्याक्सी चालक सानु गुरुङ को छ ।

गुरुङ भन्छिन्,

“हामी नेपाल को  कानुन अनुसार दर्ता भएर मिटरमा सेवा दिइरहेका छौं, तर बाटोमै रोकिएर हामीलाई मात्रै ‘के मा सेवा दिनु भएको?’ भन्दै कारबाही गर्छन् , कानुन तोड्ने निजी नम्बरका गाडी त खुलमखुला यात्रु बोक्दै छन्, उनीहरूलाई कसैले केही भन्दैन । यो न्याय होइन।”

ट्याक्सी चालकहरूका अनुसार अहिलेको अवस्थाले आम स्वरोजगार मजदुर माथि नै चोट पुर्‍याएको छ । गैरकानुनी रूपमा चलिरहेका दुई पाङ्ग्रे र चार पाङ्ग्रे सवारीले न त सार्वजनिक सवारीले जसरि  कर तिर्छन्, न यतारू  बीमा गर्छन्, न यात्रुको सुरक्षाको जिम्मेवारी लिन्छन् , तर कानुनी रूपमा यी सबै प्रकिया पुरा गरेर  कर तिरेर सेवा दिँदै आएका वास्तविक ट्याक्सी ब्यबसायी तथा  चालकहरू मात्र जरिवानाको  निशानामा छन्।

अर्को तर्फ  ट्याक्सी व्यवसायीहरूयो माग गरिरहेका छन् ,

“हाउमचको नाममा भइरहेका सम्पूर्ण चेकिङ तत्काल हटाइयोस् । यसले समस्या समाधान गर्दैन । बरु वैकल्पिक र न्यायोचित उपाय अपनाइयोस्,” उनीहरूले भनेका छन् । साथै, गुणस्तर तथा नापतौल  विभाग र सरकारले कानुनविपरीत आफैंले भाडा तोक्ने विदेशी एपहरू तत्काल बन्द गर्ने साहसिक निर्णय लिनुपर्ने आवाज उठाइएको छ ।

देशभर खुल्ला रुट आज देखि बन्द, अब इजाजत प्राप्त रुट बाहिर सवारी चलाउन अस्थायी पटके आवश्यक पर्ने

 

काठमाडौं, असोज २३ 

गत असोज ६ गते घटस्थापनाको दिनदेखि देशभर खुल्ला  गरिएको सार्वजनिक सवारी साधनका रुट आज (असोज २३ गते) देखि बन्द भएको छ। दशैं–तिहार तथा चाडपर्वको विशेष अवधिमा सवारीसाधन आवागमन सहज बनाउनका लागि अस्थायी रूपमा खुल्ला  गरिएको सार्वजनिक यातायात रुट अब पुनः नियमित अवस्थामा फर्किएको हो।

यातायात ब्यबस्था बिभागका  अनुसार आज देखि कुनै पनि सार्वजनिक सवारी साधनले आफ्नो इजाजत प्राप्त रुटभन्दा बाहिर सञ्चालन गर्न नपाउने छन्। इजाजतपत्रमा तोकिएको रुट बाहिर सवारी सञ्चालन गर्न चाहने सार्वजनिक सवारी साधनले अब “अस्थायी बाटो ईजाजत "पटके"  लिनुपर्ने व्यवस्था लागू भएको छ।

यातायात व्यवस्था विभागका एक अधिकारीका अनुसार, “चाडपर्वका बेला यात्रु आवागमन सहज बनाउन सबै रुट खुल्ला  गरिएको थियो। अब यात्रुको चाप घटेकाले नियमित प्रणालीमा फर्किएका छौं। अबदेखि इजाजत प्राप्त रुट बाहेक सवारी चलाउन अस्थायी अनुमति लिनुपर्नेछ।”

ट्राफिक प्रहरीले पनि इजाजत प्राप्त क्षेत्रबाहिर सञ्चालनमा आएका सवारीसाधन माथि निगरानी बढाउने जनाएको छ।

यसअघि असोज ६ गतेदेखि लागू गरिएको खुल्ला  रुट प्रणालीले विशेष गरी लामो दुरीका बस, मिनिबस, माइक्रो र ट्याक्सी सेवा सञ्चालनमा सुविधा पुर्‍याएको थियो।

सरकारले तोकेको भाडा भन्दा कम भाडा दिँदै Indrive, ट्याक्सी चालकको श्रम शोषण

काठमाडौं — सरकारले ट्याक्सीको भाडा प्रति किलोमिटर रु. ५० तोकेको भए पनि, मोबाइल एप Indrive ले आफ्नै मनपरी दर लागू गर्दै ट्याक्सी चालकहरूको श्रम शोषण गरिरहेको गुनासो बढ्दै गएको छ।

चालकहरूका अनुसार Indrive एपमा हाल प्रति किलोमिटर रु. २५.२१ मात्र देखाइन्छ, जसले सरकारद्वारा तोकिएको दरको आधा भन्दा कम रकममा सेवा दिन चालकहरूलाई बाध्य बनाइरहेको छ। यसले चालकहरूको आम्दानीमा ठूलो असर परेको र उनीहरूको जीविकोपार्जन कठिन बनेको बताएका छन्।

ट्याक्सी व्यवसायीहरूका प्रतिनिधिहरूले भनेका छन् — “सरकारले तोकेको मिटर दर अनुसार सेवा संचालन गर्नुपर्ने भए पनि, विभिन्न मोबाइल एपहरूले मनपरी भाडा निर्धारण गरी ट्याक्सी चालकको श्रमको अवमूल्यन गरिरहेका छन्।”

यस विषयमा सम्बन्धित निकायहरूले ध्यान नदिए ट्याक्सी व्यवसायीहरू विरोधमा उत्रिने चेतावनी समेत दिएका छन्।