स्वदेशी फूलमालालाई प्राथमिकता दिँदै काठमाडौँ महानगरपालिकाको बिक्री–वितरण स्थल घोषणा

काठमाडौँ महानगरपालिका विगत तीन वर्षदेखि स्थानीय उत्पादनलाई प्रोत्साहन गर्दै आयातित वस्तु र प्लास्टिकजन्य मालालाई निरुत्साहित गर्दै आएको छ, यसै नीति अन्तर्गत, यस तिहारमा पनि प्लास्टिक फूलमालाको बिक्री–वितरणमा रोक लगाई, स्वदेशी फूलमालाको प्रयोग र बिक्री–वितरणलाई प्राथमिकता दिइएको छ।

महानगरपालिकाले कर्तिक १ देखि ३२ स्थानमा स्वदेशी फूलमालाको बिक्री–वितरणका लागि स्थल व्यवस्था गरेको छ, यसले किसानलाई बजारमा सहज पहुँच दिन, ढुवानीमा सहयोग पुर्याउन र अवैध माला बिक्री गर्नेहरूमाथि कारबाही गर्न सहयोग पुर्याउनेछ, नेपाल चेम्बर अफ कमर्स र फ्लोरिकल्चर एसोसिएसन नेपालसँगको सहकार्यमा कोल्ड स्टोर र बजार क्षेत्रको अनुगमन पनि गरिनेछ।

महानगरपालिकाका अनुसार, “हाम्रो चाहना वास्तविक किसानले आफ्नो उत्पादनको उचित मूल्य प्राप्त गरोस् र उपभोक्ताले स्वदेशी फूलमाथि गर्व महसुस गरोस्” भन्ने हो।

नेपाल अहिले सयपत्री र मखमली फूलमा लगभग आत्मनिर्भर भइसकेको छ, त्यसैले, यस तिहारमा सबैलाई स्वदेशी फूल प्रयोग गर्न र आफ्नै संस्कृति र पहिचानको सम्मान गर्न आग्रह गरिएको छ।

फूलमालाको बिक्री–वितरणका लागि तोकेका प्रमुख ३२ स्थलहरू:

• एन.भी. सेन्टर – नयाँ बानेश्वर
• बिग मार्ट – शंखमूल
• आइ प्लेक्स मल – नयाँ बानेश्वर
• सेल्सबेरी – मध्यबानेश्वर
• फोनेक्स टावर – बत्तीसपुतली
• तिनकुने चौर – तिनकुने
• सिफल चौर – सिफल
• एसी कम्प्लेक्स – चाबहिल
• चाबहिल गणेशस्थान तरकारी बजार – चाबहिल
• के.एल. टावर पूर्व – चाबहिल
• चाबहिल सेन्टर अगाडि – चाबहिल
• धर्म चक्र पार्क – स्वयम्भू
• कालिमाटी ब्याङ्क्वेट – कालिमाटी
• द्यौखेल – कालिमाटी
• भाटभटेनी – कलङ्की
• भ्याली कोल्ड स्टोर – नयाँ बजार
• बुद्ध महल – माछापोखरी
• गुणस्तर खाल्डो – माछापोखरी
• वडा ५ अगाडिको डबली – हाँडीगाउँ
• गणेश मन्दिर डबली – हाँडीगाउँ
• कोइराला स्मार्ट – सामाखुशी, वडा २६
• सेल्सबेरी – महाराजगञ्ज
• बिग मार्ट – गङ्गबु
• बिग मार्ट – चपलकारखाना
• बिग मार्ट – बालुवाटार
• आइटी भवन – कमलादी, वडा २८
• स्टार मल – पुतलीसडक, वडा २८
• भाटभटेनी – अनामनगर, वडा ९
• टेवाल मन्दिर – सुन्धारा
• काठमाडौँ महल – सुन्धारा
• वडा कार्यालय निर्माण स्थल – अद्धेतमार्ग, वडा २८
• बजरा कम्प्लेक्स (न्यू प्लाजा) – गुडमार्ट

 

नेत्रावती डब्जोङ गाउँपालिका–१ मा ‘दोस्रो वडा अध्यक्ष कप’ भलिबल प्रतियोगिता हुने

धादिङ, असोज २८

नेत्रावती डब्जोङ गाउँपालिका–१, मार्पाक धादिङमा “दोस्रो वडा अध्यक्ष कप पालिका स्तरीय भलिबल प्रतियोगिता–२०८२” आयोजना हुने भएको छ,वडा कार्यालयले गाउँपालिका भित्रका खेलाडीहरुलाई सहभागिता जनाउन आग्रह गर्दै आधिकारिक सूचना जारी गरेको छ।

गाउँपालिका भित्रका विभिन्न टोलस्तरका टिमबीच प्रतिस्पर्धा हुने यो प्रतियोगितामा टिम दर्ता शुल्क रु. ३,००० तोकिएको छ, प्रत्येक टिममा ९ जना रहने व्यवस्था गरिएको छ, जसमा ६ जना खेलाडी, १ जना प्रशिक्षक (कोच) र Extra खेलाडी १ र १  जना म्यानेजर रहनेछन्।

प्रतियोगितामा पहिलो, दोस्रो र तेस्रो स्थान हासिल गर्ने टिमलाई क्रमशः रु. २०,०००, रु. १५,००० र रु. १०,००० हजार  नगद पुरस्कारका साथै शिल्ड र मेडल प्रदान गरिनेछ, त्यस्तै, उत्कृष्ट खेलाडी, अनुशासित खेलाडी र डिसिप्लिन खेलाडीहरुलाई  पुरस्कार पनि प्रदान गरिने वडा कार्यालयले जनाएको छ।

वडा कार्यालयले प्रतियोगितामा गाउँपालिका बाहिरका खेलाडी सहभागी हुन नपाउने व्यवस्था गरेको छ, प्रत्येक खेलाडीले आफ्नो नागरिकता वा परिचय खुल्ने कागजात अनिवार्य रूपमा पेश गर्नुपर्नेछ, साथै, राष्ट्रिय तथा अन्तर्राष्ट्रिय खेलाडीलाई यस प्रतियोगितामा समावेश गरिने छैन।

प्रतियोगिता आगामी कार्तिक १ गतेदेखि सुरु हुनेछ र खेलाडीले अनिवार्य रूपमा निर्धारित खेल पोशाक लगाउनुपर्नेछ, खेल निरञ्जना माध्यमिक विद्यालयको खेल मैदानमा सञ्चालन गरिनेछ।

कार्यक्रमको संयोजन वडा नं. १ का अध्यक्ष श्री ठाकुर गुरुङको नेतृत्वमा रहनेछ,टिम दर्ताका लागि अन्तिम मिति २०८२ साल असोज ३१ गते सम्म  तोकिएको छ, साथै, गाउँपालिका भित्रका प्रत्येक वडाले चाहेजति टिम दर्ता गर्न सक्ने व्यवस्था गरिएको वडा कार्यालयले जानकारी दिएको छ।

निमार्चोकका एक व्यक्तिले विष सेवन गरी आत्महत्याको प्रयास, थप विवरण आउन बाँकि

२६ असोज, धादिङ 

धादिङ जिल्ला नेत्रावति डब्जोङ्ग -१, निमार्चोक तल्लो राम्चेका स्थायी बासिन्दा तथा हाल त्रिपुरासुन्दरी गाउँपालिका सिउरीनिमा बस्दै आएका एक जना पुरुषले आज विहान विष सेवन गरी आत्महत्याको प्रयास गरेको समाचार प्राप्त भएको छ।

स्थानीय सबिन अधिकारीका अनुसार उक्त पुरुषले धानमा लाग्ने  कीरा मार्न प्रयोग गर्ने  बिषाधी  सेवन गरेका हुन्। प्रारम्भिक विवरण अनुसार, आज विहान आफ्नै घरमा विष सेवन गरेपछि उनी घरकै चर्पीमा बेहोस अवस्थामा फेला परेका थिए।

घटनाको जानकारी पाएपछि परिवारका सदस्य र स्थानीयवासीहरूले उनलाई तत्काल उद्धार गरी उपचारका लागि धादिङतर्फ लगिएको बताइएको छ। घटनाबारे थप विवरण आउँन बाँकी छ।

धादिङको नेत्रावतीमा बाटोको दयनीय अवस्था : स्थानीय दैनिक सास्तीमा

२१ असोज २०८२ ,धादिङ

नेत्रावती गाउँपालिका–१ मा रहेको मुख्य ग्रामीण सडकको अवस्था अत्यन्तै दयनीय बनेको छ । बर्षेनी पहिरोका कारण बाटो भत्किँदा स्थानीय बासिन्दाले दैनिक आवतजावतमा निकै कठिनाइ भोग्नुपरेको छ ।

घासदाउरा गर्नेदेखि विद्यालय जाने विद्यार्थीसम्मका लागि पनि हिँड्नै नसकिने अवस्था बनेको छ । स्थानीय जितबहादुर अधिकारीले “दैनिक कामकाजका लागि पनि बाटो छैन, वर्षा लाग्यो कि पहिरोले सारा बाटो बगाउँछ,” भन्दै दुखेसो पोख्दै “हामीलाई आवतजावत गर्न पनि निकै सकस भएको छ,” भने ।

स्थानिय कपिल नेपालका अनुसार माथिल्लो बस्तीका बासिन्दाले वर्षा हुँदा भल पानी सोही पहिरो तिर पठाउने गरेकाले बाटो अझ बढी बिग्रिएको हो । “शुरुका दिनमै बिना अध्ययन डोजर चलाउँदा यो अवस्था आएको हो,” उनले बताए ।

यहिँ दशैंमा वडा नं. १ का अध्यक्ष ठाकुर गुरुङको पहलमा डोजर लगाएर मर्मत कार्य सुरु गरिएको थियो । तर काम अझै पूरा हुन सकेको छैन । दशैंका बेला घर फर्किने यात्रुहरूलाई पनि कठिनाइका बीच बाटो प्रयोग गर्नुपरेको थियो ।

वडा कार्यालयको सक्रियता भए पनि कमजोर जमिन र लगातारको वर्षाले गर्दा समस्या दोहोरिँदै आएको छ । स्थायी समाधानका लागि अब दिर्घकालीन योजना सहितको स्तरीय सडक निर्माण अपरिहार्य रहेको स्थानीयहरूको माग छ ।

👉 रिपोर्ट : ईभा मिडिया